Pidato Bahasa Jawa

MEDHAR SABDA

Asma : Adhelia Brilianty
Kelas : IX-C/9C
Nomer: 01

Assalamu’alaikum Wr.Wb.

Ingkang kinormatan Ibu Kepala Sekolah SMP N 1 Jetis, ingkang kawula hormati Bapak/Ibu guru, saha staf SMP N 1 Jetis, saha rencang-rencang ingkang kawula tresnani.
Sepindah, sumangga kita kunjukaken puja dalah puji syukur dhumateng ngarsanipun Allah SWT, amargi sampun paring rahmat saha hidayahipun dhumateng kita sedaya, sahingga kita saget makempal wonten mriki kanti mboten wonten alangan satunggal punapa.
Kaping kalih, sholawat dalah salam mugi-mugi tetep kalimpahaken dhumateng Nabi Agung Muhammad SAW, ingkang sampun mbeto umatipun saking jaman jahiliah tumuju jaman islamiah kados kita raosaken wonten wekdal punika.

Wonten mriki, kula badhe ngaturaken medhar sabda ingkang irah-irahanipun  “Dampak Ningali TV kagem para siswa”.
Sakderengipun kula ngaturaken medhar sabda, kula badhe tanglet rumiyin teng panjenengan sedaya. Panjenengan lak sampun kerep ningali TV to? Ananging panjenengan punapa sampun mangertos napa niku dampakipun ningali TV kagem para siswa? Menawi sampun ngertos nggih Alhamdulillah, menawi dereng ngertos mboten natos susah, amargi kula badhe ngaturaken dampakipun ningali TV kagem para siswa.

Ningali TV punika gadhah dampak negatif, kayata:
1. NIngali TV saget ndamel kita kesupen marang wekdal, ndamel kita males nglakokaken panggawean kajaba ningali TV. Sahingga, para siswa saget kesupen marang wekdal damel sinau.
2. TV ugi nyajikaken acara ingkang mboten ndidik, kayata kekerasan, kriminal, lan liya-liyanipun. Sahingga para siswa saget nyonto tumindak ala punika.
3. Ningali TV saget ngrusak kasarasan kita, utamanipun kasarasan paningal. Paningal kita ugi kedah leren, menawi kita ningali TV terus, paningal mboten saget leren.

Kajaba dampak negatif, ningali TV ugi gadhah dampak positif, kayata:
1. Kita saget nyegaraken fikiran amargi ningali acara hiburan wonten TV. Sahingga, kita saget ngilangaken stress.
2. TV punika up to date wonten penyajian berita. Sahingga, kita saget mangertos punapa ingkang kedadeyan ing panggonan liya. Wawasan kita saget tambah jembar.
3. TV ugi nyajekaken acara ingkang wonten hubunganipun kalihan pendidikan. Sahingga, TV saget nambahaken pengetahuane para siswa.

Kesimpulanipun, ningali TV punika gadhah dampak positif kaliyan dampak negatif. Kita kedah mendhet dampak positifipun lan nilaraken dampak negatifipun.

Cekap semanten atur kula, menawi wonten kalepatan kula nyuwun pangapunten.
Ing pungkasaning atur,
Wassalamu’alaikum Wr.Wb.